ព្រឹកមិញនេះទៅរកអីហូបពេលព្រឹកនៅក្បែរកន្លែងធ្វើការ ឃើញពូលក់ការ៉េមរុញរទេះមា្នក់ មើលទៅគាត់ពិតជាគួរឱ្យអាណិតមែនទែន!
នេះមិនមែនជាលើកទីមួយទេដែលខ្ញុំជួបគាត់នៅតាមផ្លូវដែលខ្ញុំដើរទៅរកអីហូប គឺជួបគាត់ស្ទើរតែរាល់ថ្ងៃហើយជួបគាត់លើកណាក៏គាត់អង្គុយសំកុក មើលធុងការ៉េមរបស់គាត់ដែរ កាន់តែគួរឱ្យអាណិតទៀតនោះគឹមិនឃើញមានអ្នកណាទិញការ៉េមរបស់គាត់ហូបទេ។ រាល់លើកឱ្យតែជួបគាត់ចេះតែអាណិតហើយបានត្រឹមតែដើរហួសទៅ ប៉ុន្តែថ្ងៃនេះខ្ញុំបានសង្កេតមើលទៅ រូបរាង សំលៀកបំពាក់ និងស្បែកជើងរបស់គាត់គឺមានអារម្មណ៍ថាអាណិតគាត់មែនទែន គាត់ពាក់អាវចាស់ និងស្បែកជើងផ្ទាត់ សម្បុរខ្មៅជាំប្រហែលជាត្រូវកម្តៅថ្ងៃច្រើនពេកហើយមើលទៅ ពេលនោះគាត់កំពុងតែបើកគំរបធុងការ៉េមរបស់គាត់និងអើតមើលទៅខាងក្នុង ទឹកមុខដ៏ស្រង៉ូតស្រង៉ាត់របស់គាត់គួរតែបញ្ជាក់ថាគាត់លក់មិនដាច់ទេ ហើយការ៉េមក៏នៅច្រើនទៀត។សកម្មភាពរបស់គាត់គឺដក់ជាប់នៅក្នុងភ្នែកខ្ញុំ ពេញមួយថ្ងៃនេះ! ហើយចេះឆ្ងល់ថាហេតុអីអ្នកខ្លះមានចេះតែមាន មានរហូតដល់អាហារពេលព្រឹកក៏ជិះយន្តហោះទៅហូបទៅបរទេសដែរ តែអ្នកក្រវិញក្ររហូតដល់ថ្នាក់រកអង្ករច្រកឆ្នាំងប្រចាំថ្ងៃមិនចង់បានផង។ គិតហើយបានត្រឹមតែដកដង្ហើមធំ ហ៊ឺៗៗ!!!
នេះគ្រាន់តែជារឿងដែលខ្ញុំគិតក្នុងថ្ងៃនេះនិងយកមកសរសេរចេញឱ្យបានធូរចិត្តវិញប៉ុណ្ណោះ! ហើយបានត្រឹមតែនិយាយដែរទេព្រោះមិនដែលជួយទិញការ៉េមពូហ្នឹងផង :D។
ទឹម បឿន 7:33 ល្ងាច on 13 ខែមករា 2011 តំណភ្ជាប់អចិន្ត្រៃ |
ពេលក្រោយជួយទិញគាត់ផង ប្រពន្ធសម្លាញ់
ឌីយ៉ា 11:46 ល្ងាច on 15 ខែមករា 2011 តំណភ្ជាប់អចិន្ត្រៃ |
បងភីនរបស់ញ៉ុមអើយ!
កន្តូបប្រមឹក 11:57 ល្ងាច on 15 ខែមករា 2011 តំណភ្ជាប់អចិន្ត្រៃ |
ខ្ញុំមកក្រោយគេតែគេស្គាល់ខ្ញុំគ្រប់គ្នា!!!!!!!!!!!
Help Get Money 9:18 ល្ងាច on 18 ខែមករា 2011 តំណភ្ជាប់អចិន្ត្រៃ |
រឿងផ្ញើរទិញភាគច្រើន ច្រើនតែមិនសូវបានញ៉ាំ ព្រោះអ្នកទិញញ៉ាំអស់… 🙂
រដ្ឋ 9:53 ល្ងាច on 21 ខែកុម្ភៈ 2011 តំណភ្ជាប់អចិន្ត្រៃ |
ប្រយ័ត្នរាគអាច់!
ពិសិដ្ឋ 10:13 ព្រឹក on 1 ខែមិថុនា 2012 តំណភ្ជាប់អចិន្ត្រៃ |
អាណិត តែអត់ចំណង់
សុភា 7:54 ល្ងាច on 13 ខែមករា 2011 តំណភ្ជាប់អចិន្ត្រៃ |
ទិញទៅ បើទោះជាមិនញ៉ាំក៏ដោយ
អែម ចាន់បុទុំ 8:12 ល្ងាច on 13 ខែមករា 2011 តំណភ្ជាប់អចិន្ត្រៃ |
បើបានជួបគាត់ទិញមួយផ្ញើខ្ញុំផង
latephonenews 6:04 ព្រឹក on 14 ខែមករា 2011 តំណភ្ជាប់អចិន្ត្រៃ |
ពេលខ្ញុំទៅស្រុកខ្មែរជួយនាំខ្ញុំទៅទិញការ៉េមមាដើម ញាំអោយណាណីម្តង 😀
Samady KS 9:36 ព្រឹក on 14 ខែមករា 2011 តំណភ្ជាប់អចិន្ត្រៃ |
ទិញបួនដប់ដើមទៅ, ទុកឱ្យខ្ញុំស៊ីផង….
ទឹម បឿន 10:09 ព្រឹក on 14 ខែមករា 2011 តំណភ្ជាប់អចិន្ត្រៃ |
យកលុយមកផ្ញើនឹងប្រពន្ធខ្ញុំមក ចាំទិញឱ្យ
enana88 10:32 ព្រឹក on 14 ខែមករា 2011 តំណភ្ជាប់អចិន្ត្រៃ |
បើជាញ៉ុមប្រហែលជូនគាត់ពីរ បីពាន់អីហើយសំភាសន៍គាត់ម៉ាងៃ ក្រែងលោអាចជួយអីបានលើសពីហ្នឹង!
ទឹម បឿន 11:22 ព្រឹក on 14 ខែមករា 2011 តំណភ្ជាប់អចិន្ត្រៃ |
សម្ភាសន៍ម៉ាង៉ៃហ្នឹង គាត់អស់បានរកស៊ីអីហើយ
enana88 3:15 ល្ងាច on 14 ខែមករា 2011 តំណភ្ជាប់អចិន្ត្រៃ
ចឹងជួលគាត់ម៉ាងៃយិយរឿងឲ្យស្តាប់ហ្មង
ធាវី 3:49 ល្ងាច on 14 ខែមករា 2011 តំណភ្ជាប់អចិន្ត្រៃ |
មិចក៏មិនហៅក្មេងៗអោយជួយទិញការ៉េមគាត់ទៅ ក្រែងពូម្នាក់នោះលក់បានលុយខ្លះៗ។
sambatt 8:23 ព្រឹក on 15 ខែមករា 2011 តំណភ្ជាប់អចិន្ត្រៃ |
ខ្ញុំមានអត្ថបទខ្លីមួយជួនអ្នកទំាងអស់់គ្នាអាន អំពីស្មូមយាចក ដែលគួរអោយអាណិតដូចគ
អ្នកក្រីក្រលក់់របស់់របរកំប៉ិចកំប៉ុកដែរ ៖
ស្មូមយាចក (ដោយន.តោវិន ,ស្គាល់់តែឈ្មោះទេ )
គួរអាណិតអាសូរគ្នាណាស់់ មើលន៏! ដៃទំាងពីរលើកប្រណម ពុំហ៊ានដាក់់ចុះ ជើងទំាងពិរបត់់យ៉ាងសុភាព
ស្រគត់់ស្រគំ មាត់់សូត្រឧទ្ទិសផលប្រសិទ្ធិពរដល់់អ្នកមានសប្បុរស។ យាចក សុំទានគេជួនបាន ជួនមិនបាន
ហើយថ្ងៃខ្លះ អត់់បាយ ដេកតាមសំយ៉ាបផ្ទះលោកអ្នកមានស្ដុកស្ដម្ភ ទឹកភ្នែកហូររហាម សំលេងថ្ងូរ អឺអឹ ព្រោះ
រងាខ្លំាង ខ្លួនញ័រទទ្រើក ក្រពះបាយស្វិតក្រ ទំាងបន្លឺវាចា ថា៖
_ ឱ ព្រះជាម្ចាស់់អើយ ! សូមជួយស្រោចស្រង់់ជីវិតខ្ញុំព្រះអង្គផង!
ប៉ុន្តែ កម្មល្អ និងអាក្រក់់ដែលខ្លួនបានសាងឡើង អាស្រ័យជោគវាសនាពីបុព្វជាតិ ផលនេះ នឹងតាមជូនអោយអ្នក មិនឃ្លាតឆ្ងាយពីខ្លួនអ្នកឡើយ។ចូរអ្នកដើរសូមទានគេទៀតទៅ គ្រែងជួនបានជួប
នឹងលោកអ្នកមានមេត្តា ព្រហ្មវិហារធម៌ដាក់់ទានដល់់អ្នក។
ឱហ្ន! ជីវិតស្មូមយាចក ជួបតែទឹកភ្នែករាល់់ពេលវាលា
cambomaths 9:06 ព្រឹក on 15 ខែមករា 2011 តំណភ្ជាប់អចិន្ត្រៃ |
គួរឲ្យសង្វេក!
Khmerling 2:50 ល្ងាច on 4 ខែមីនា 2011 តំណភ្ជាប់អចិន្ត្រៃ |
នេះជាចិត្តបុណ្យមួយ ប៉ុន្តែដើម្បីឲ្យបុណ្យពេញបរិបូរណ៍គួរទិញការ៉េមគាត់ ទោះមិនញ៉ាំខ្លួនឯង ទិញចែកក្មេងៗរត់លេងក្បែរហ្នុងក៏បាន ។
សំណួរ 11:34 ព្រឹក on 6 ខែឧសភា 2011 តំណភ្ជាប់អចិន្ត្រៃ |
បើមិនញ៉ាំក៏ជួយឧបត្ថម្ភគាត់ទៅណា…
Love Kampuchea 11:29 ល្ងាច on 18 ខែមិថុនា 2011 តំណភ្ជាប់អចិន្ត្រៃ |
ពិតជាគួរឲ្យអាណិតណាស់! សូមជូនពរគាត់ឲ្យបានផុតពីភាពដ៏លំបាកនេះបានឆាប់។
Love Kampuchea 11:32 ល្ងាច on 18 ខែមិថុនា 2011 តំណភ្ជាប់អចិន្ត្រៃ |
អត្ថបទខ្លី តែមានន័យគ្រប់គ្រាន់អាចយល់បាន។ សូមសរសើរការសរសេររបស់បងស្រី។
Pich Makara 10:04 ល្ងាច on 16 ខែវិច្ឆិកា 2011 តំណភ្ជាប់អចិន្ត្រៃ |
Usually I don’t read post on blogs, however I wish to say that this write-up very compelled me to check out and do so! Your writing style has been surprised me. Thank you, quite great article. My blog is blog.KHMER79.com.
Keep doing excellence job i strongly support you!
តិច 5:38 ល្ងាច on 22 ខែកក្កដា 2012 តំណភ្ជាប់អចិន្ត្រៃ |
គិតបានត្រឹមតែគិត ការពិតកម្ពុជាពិតជាក្រណាស់ ក្រហើយគ្មានចិត្តទៀត សូមអ្នកគិតទៅដល់ការដាក់បាតុលោក សុទ្ធសឹងតែការធ្វើបុណ្យខុសគោលដៅ កុមារដែលកំពុងតែឈឺនៅមន្ទីរពេទ្យគួរតែទទួលបាននៅជំនួយទាំងនេះ មន្ទីរពេទ្យគន្ធបុផា កំពុងត្រូវការជំនួយណាស់។ ក្នុង១ថ្ងៃខ្ញុំដាក់បាតុអស់ ៥០០០រៀល ប៉ុនែ្តខ្ញុំភ្លេចគិតដល់ កុមារទាំងអស់ដែលកំពុងតែរង់ចាំការសង្រ្គោះ នៅមន្ទីរពេទ្យ ។ ១ខែខ្ញុំចំណាយអស់២០ ទៅ៣០ដុល្លាសំរាប់បាតុ លោកតែអ្វីដែលខ្ញុំសងេ្កតឃើញថា ខ្ញុំបានជួយតែអ្នកខ្វះខាតប្រាក់សំរាប់រៀនសូត្រ និង ទិញឡានជិះតែប៉ុណ្ណោះ។ តើអ្នកគិតដូចខ្ញុំទេ?